Sesión 25 de febreiro: “Actividades de expresión escrita” (Luz)

A expresión escrita é clave para expresar pensamentos e sentimentos, así como opinións etc. Para ser capaces de escribir correctamente en inglés os alumnos deberán ter alcanzado un nivel mínimo de competencia oral. A expresión escrita será mellor canto maior sexa a súa habilidade lectora, xa que estas competencias interrelaciónanse entre si. Toda actividade de expresión escrita debe ter un propósito claro e debemos variar as nosas tarefas de producción escrita, para que non sexan sempre iguais. A nivel académico dedicámoslle máis tempo á escritura que á lingua oral, aínda que na vida real recurrimos con máis frecuencia á lingua oral que á escrita.

Os textos escritos poden ser de diferentes tipos: cartas, comentarios, resumos, reseñas… na aula podemos integralos para realizar diferentes actividades. Por exemplo, un tipo de avaliación inicial podería consistir en escribir unha carta contando os propósitos para ese curso escolar, o que fixeron no verán, o que lles gusta, que opinan do inglés etc. O feedback do profesor constituiría a resposta.

Outra tarefa importante é a capacidade de resumir. Para iso Luz amosounos unha ficha coas pautas para elaborar un resumo de calidade. Gustoume a actividade de elaborar un “scrapbook” a modo de diario contando as experiencias da súa viaxe a Inglaterra, xa que a través desta actividade desenvolven non só a expresión escrita, senón tamén a imaxinación e a creatividade.

A producción escrita pode traballarse tamén a través dos dictados, por exemplo o dictogloss, ou a partir de fotografías (creando unha historia tomando como base unha fotografía. Luz recomendounos a páxina de eltpics por ter imaxes libres). O traballo escrito faise na casa e ás veces na clase e non sempre se entrega manuscrito, pódese tamén recurrir ás TIC para realizar actividades de expresión escrita, como por exemplo a páxina de “story-starters” que sirve para crear diferentes historias e envíalas en formato electrónico. Deste xeito se fomenta tamén a súa creatividade e a competencia dixital.

Despois Luz amousounos en papel algúns comics que realizaran os seus alumnos.

Gustáronme as actividades de “One place and five senses” e “Ode to the object”. Seguindo unhas instruccións moi simples dadas polo profesor, os alumnos serán capaces de crear un texto orixinal de forma autónoma e sen ter que recurrir ó diccionario.

Pódese tamén fomentar o seu sentido da iniciativa, pedíndolles que fagan fotos a carteis que estean en inglés e expliquen o contexto.

Ó final da sesión vimos dous exemplos de como integrar os xogos na aula de inglés. Un deles foi o de “story cubes” e o outro un xogo de cartas no que a partir de varios verbos tiñamos que crear unha historia en grupos.

Por último fixemos referencia á corrección do traballo escrito e Luz amosounos unha rúbrica moi útil para avaliar de forma global.

Esta sesión pareceume moi interesante e serviume para concebir o traballo escrito dunha forma diferente, xa que na miña etapa escolar na aprendizaxe do inglés só escribíamos redaccións ou resumos individualmente, e creo que empregando todas estas técnicas as clases serán moito máis variadas e enriquecedoras.

Facendo clic no seguinte enlace poderedes acceder a un interesante artigo de María Dolores Corpas e Daniel Madrid titulado “Desarrollo de la producción escrita en inglés al término de la Educación Secundaria Obligatoria española” : http://www.ugr.es/~portalin/articulos/PL_numero8/10-M DOLORES CORPAS.pdf